القيله .الشبه .الاستراحه . الذبيحه .العزيمه ..وش عندكم غيرها من هموم ياأهل حايل

صغير شمر · 13-12-2007, 08:09 PM

مساكم الله بالخير

انا منكم وفيكم

بس عايش بالرياض

واحبكم واغليكم يا أهل ديرتي

والف نعم فيكم مايبلها نقاش

لكن بصراحه أكون قاسي عليكم

ماشفت نفعتو انفسكم ولا ديرتكم مثل غيركم

احسن شي ابدعتو فيه يا أهل حايل

هو انه لايختلف اثنين على سمعتكم

وبصراحه ماعمري قلت لأحداني انا من حايل الا وقال والف نعم ومعاملته لي اختلفت للأحسن

تدرون ليه لأن أهل حايل مع الغريب شي عجيب ويحبون الغريب ويأثرونه على القريب

وهذي استشفيتها من أمور كثيره مرت على بالحياة وأن تعرضت لها

ومعروفين خيرنا لغيرنا يا أهل حايل ..

لكن زبده الموضوع والي خلاني أكتب هالعنوان

اننا يا اهل حايل مجتمع نعشق الوناسه في الحياة وسعه الصدر

واذا وجت منا شخص جدي تجده متميز ومبدع في في حياة وسيرته

لكن الغالبيه العظمى منا تجد اهتمامه

(شبه ..قيله ..استراحه ..الذبيحه ..العزيمه ..)

هذي اكبر همومنا

وامور حياتنا ومنافعنا ماننظر لها بصوره اعمق

يعني

تجد شبابنا مايبون يطلعون من حايل يبي ياوظيفه بحايل والا يجلس عاله على اهله

والسبب الوناسه والزقرت والشبه والبر

كما تجد شيباننا واصحاب الدراهم

ينامون على دراهمهم لا مشاريع تفيدهم وتفيد المدينه ماغير يكنزون هالدراهم

والسبب هو الوناسه وفله الحجاج

وأمور كثيره يطول الحديث عنها

يالربع اصحو من نومكم وصحو شبابكم وشيبانكم

على هالوضع صدقوني ماراح تتطورون وتواكبون مسيره التطوير

كم؟من المشاريع عندكم معطله وانتم ماهمكم الا القيله والبر والشبه

وكم وكم من والمشاكل عندكم وانتم من صلاة العصر بالاستراحه متقابلين

ياناس يكفي وناسه وفله حجاج

شوفو الذيابه بالرياض من أهل الجنوب والقصيم حتى الشيعه شلون يشتغلون وشلون يفكرون

ياربعي اصحو تكفون ويكفي وناسه

وأتمنى أني ماقسيت عليكم والف نعم فيكم بس ياليت تصحون من نومكم

على الاقل تصحون عيالكم الي تربونهم

وياليت تطلعونهم من ثقافه جيب ربع وقنص وبر !!!

ربوهم على ثقافه افضل تفيدهم في حياتهم المستقبليه

لأن الوضع بالمستقبل صعب وخطير

والله يعينهم على الحياة الجايه

وبالتوفيق للجميع

**مخاوي الاحزان** · 20-12-2007, 11:42 PM

حياك صغير شمر

من وجهة نظري ان ما اشرت اليه موجود ولكن يوجد ايضا من ابناء حائل ورجالها وشبابها من هم عكس ذلك

وان شاءالله حائل والوطن في تقدم وازدهار

لاعدمناك

صغير شمر · 06-02-2008, 12:27 PM

ان شاء الله يا مخاوي الاحزان

متجدد · 06-02-2008, 06:08 PM

الحياه : وناسه !

معاناه يعانيها الشعب اجمعه وليس فقط أهالي حائل .

تحيه نقيه لهم " هناك !

**بنت زقروط** · 07-02-2008, 03:25 PM

تحية كبيرة لك اخي الكريم

فعلا موضوعك وكلامك مهم جدا

صحيح في من اهل حايل تشتغل وتنتج وتخدم المجتمع

لكن للآسف يوجد الكثير مثل ما قلت

الله يهدينا ويهدي الجميع

بدر الجربا · 07-02-2008, 05:53 PM

كلامك 100في 100

تحياتي لك

**كــحــيــلان** · 12-03-2010, 10:08 PM

يااخي الكريم الشبه والقيلة اللي تمهزا بهن هذولي من الترابط الاجتماعي وهذي عادة حسنة ليست قبيحة

يابعد حيييييييي ياحايل

شكراااااااااااااااااااااااالك

**ابن نبهان** · 14-03-2010, 01:40 AM

اقتباس:

الكاتب : بدر الجربا

كلامك 100في 100

تحياتي لك

اخي الكريم بدر الجربا

لاتحرمنا من كثرة مشاركاتك

ارجو منك تكثيف نشاطك

معنا في المنتدى

فانتم شيوخ القبيلة

وانتم الجربا فخر لشمر

ونفتخر بكم

وانتم اهل التاريخ المشرف

والذكر الطيب والصيت العالي

فنرجو منك كثرة تواجدك معنا

لانني لاحظت انك معنا من سنة 2006

ومع ذلك عدد مشاركاتك قليلة

نرجو منك زيادة نشاطك

لاننا نفرح اذا رأينا كلمة الجربا في الموقع

فلا تحرمنا هذه الفرحة

عزيزه · 17-03-2010, 03:42 AM

صح لسانك وصدقت ...
وعمار ياحايل الخيرر..

**أحمد الشمري555** · 12-06-2010, 07:07 AM

هههههههههههههههههههههههههههههههههههههههههههههههههه هههههههههههههههههههههه
ذكرتن بحايل

مواضيع ذات صلة
الموضوع	الكاتب	المجلس	المشاركات	المشاركة الأخيرة
ياأهل الخير اين انتهم من هذا النداء .......!!!!	حمود مطر الفريسن	الديوان العام	5	14-04-2006 04:39 AM
تكفووووووووون ياأهل حايل	بنت الأجــــــــواد	ديوان الترحيب و التعارف	10	11-09-2005 12:03 AM
ٍسؤال ياأهل شمر	طنايا2004	ديوان تاريخ شمر	2	14-03-2004 08:29 AM
نصائح عامة مع بعض الفوائد القيمه	بدر الناصر	ديوان شؤون الأسرة	3	07-07-2003 11:52 AM

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق

الإعلانات

الإهداءات